Dancing in the Basque Country

Dancing in the Basque Country (2009-2010)

21 hilabete egiteko, 100 txoko baino gehiago eta lagun asko Euskal Herrian zehar dantza egiteko. Matt Hardinen ideian oinarritua.

Toponimia

Ekainaren 5ean, urtero legez, eskolan landutako toki izenak zeri lotuta dagozan ikusten joango gara etxeko guztiok. 10etan batuko gara plazan.
Txitxiburduntzia egingo dogu!!!

Ipuinak kontatzeko

Danok dakigu oso egokia dala umeei eta gaztetxoei kontuak kontatzea baina, dirudienez, gero eta gatxagoa egiten jaku denporea hartu eta bat-batean gure seme-alaben aurrean holako jardunetan hastea.
Ez da behar bada oso egokia izango halako beharrak makinen ardurapean ixtea baina, besterik ezean, badaukagu sarean (eta euskeraz be) ipuin-kontalari egokia. Hona hemen esteka:

Etxegiroan.com

Sartu eta gozatu...!

Familiarentzako zinea domekan "Robotak" filmearekin

Domekan, martxoak 14, arratsaldeko 5etan Kultur-Etxean.

Iraupena: 84 min.

Sinopsia: Izotz Aroaren sortzaileen eskutik, hona hemen Robotak, dibertsioz betetako abentura bat ordenagailuz animatua. Filme hau Rodney Latorriren istorioa da Rodneyk asmatzaile izan nahi luke. Helburu horrekin, Robot Hirirantz abiatu da, bere idoloa dena - Soldatzaile Handia ezagutzeko. Bidean Rodney era guztietako roboten lagun egingo da, eta haien laguntzarekin aurre egingo dio Ratchet maltzurrari. Ratchetek, bere amak bultzatuta, enpresa lapurtu dio Soldatzaile Handiari, eta gainerako robotei ez dizkie ematen behar dituzten ordezko piezak. Horren aurrean... gai izango da Rodney egoera konpontzeko?

Kalifikazioa: Guztientzat

Otxandioko Toponimia argitalpenaren aurkezpena

Asier Astigarragaren lan honetan Otxandioko eta inguruetako toponimiaren barri ematen da. Lehendik ahoz jasotako informazioekin eginda zegoan lan batean oinarrituta, toponimo bakoitza dokumentazioan eta erregistroetan nola agertu dan laburbildu da, hauen normalizaziorako proposamenak luzatuz.

Tokia: Kultur Etxea. Otxandio
Data: 2010eko martxoaren 5a
Ordua: 19:30 h.

PARTAIDEAK:

Aritz Otxandiano, Otxandioko alkatea

Idurre Alonso, Otxandio Udaleko euskara zinegotzia

Jose Luis Lizundia, lanaren zuzendaria

Asier Astigarraga, egilea

Familiarentzako zinea domekan "Sherlock Holmes"

Domekan, otsailak 28, arratsaldeko 5etan Kultur-Etxean.

Iraupena: 50 min.

Sherlock Holmes detektibeari buruzko animazio telesaileko bi atal:

1. Itsaslapurrak

2. Mazzarinoren Koroea

Kalifikazioa: Guztientzat

Familiarentzako zinea domekan "Asterix Bretainian" filmearekin

Domekan, urtarrilak 31, arratsaldeko 5etan Kultur-Etxean.

Iraupena: 78 min.

Sinopsia: Julio Zesarrek Bretainia Handia osoa konkistatu du, inbaditzailearen aurrean oraindik eusten duen herrixka bat izan ezik, baina nekatutako gerlari hauek galtzen ari dira eta Asterixen lehengusua den Zezentorax edabe magiko bila bidaltzea erabakitzen dute britainiarren erresistentziarako.

Panoramixek edabez beteriko upel handi bat prestatzen dio, eta Galian guztia bare eta lasai dagoenez, Asterix eta Obelix berarekin doaz

Kalifikazioa: Guztientzat

Familiarentzako zinea domekan "Chihiroren bidaia" filmearekin

Domekan, urtarrilak 17, arratsaldeko 5etan Kultur-Etxean.

Iraupena: 125 min.

Sinopsia: Chihiroren gurasoak beren ondasunak kotxe zahar batean pilatu eta beste auzo batera bizitzera doazenean hasten da. Bidean, aitak baso artean ezkutatutako tunel bat zeharkatzen du eta oso herrixka bereziarekin egingo dute topo; antzinako herri japoniar bat eta mendebaldeko hiri baten nahasketa harrigarriarekin. Zerbait arraroa gertatzen da bertan, kaleak hutsik daude eta ez da inor ageri. Chihiro beldur da. Gurasoak ingurua ezagutzen ari direnean, gertakizun ikaragarri bat jazotzen da! Zoritxarreko ezbehar bat!

Kalifikazioa: Guztientzat

Familiarentzako zinea domekan "Perez Sagutxoa 2" filmearekin

Domekan, urtarrilak 3, arratsaldeko 5etan Kultur-Etxean.

Iraupena: 85 min.

Sinopsia: Perez sagutxoa eta honek hortzen truke buruko kuxinen azpian jartzen dituen txanponak desagertzear daude. Guraso batzuek beraien etxeetan segurtasun sistema elektronikoak instalatu dituzte eta ezinezko misioa gertatzen da etxe hauetan sartzea ikusia izan gabe. Bere lehen hortza galduko duen mutiko batek eta bere arreba ezatseginak, Perez lagunduko dute teknologiak ohiturarekin akabatu ez dezan.

Kalifikazioa: Guztientzat

San Silbestre jaia

Bihar abenduak 31, arratsaldeko 5etan Mainondoko gimnasioan, Jakin eta Jolasen eskutik "Antzokiko istorioak" ikuskizuna izango da eta jarraian txokolatada.

Familiarentzako zinea domekan "Donkey Xote" filmearekin

Domekan, abenduak 27, arratsaldeko 5etan Kultur-Etxean.

Iraupena: 85 min.

Sinopsia: Filma Mantxako On Kixoteren istorioan dago oinarrituta baina, oraingoan, Rucio astoak On Kixoteren "benetako" istorioa kontatuko digu. Rucioren arabera, On Kixote ez zegoen eroturik; gizon azkar, grinatsu eta gogotsua zen. On Kixotek, bere ezkutari Sancho Panzak, Rocinante zaldiak eta Rucio astoak hamaika abentura izango dituzte Ilargiaren Zaldunaren aurka borrokatzeko egingo duten bidaian. Film bitxi eta dibertigarria da.

Kalifikazioa: Guztientzat

Txirri, Mirri eta Txiribiton Junior

Bihar, abenduak 23, Txirri, Mirri eta Txiribiton Junior, “Bihurrikeriak” Ikuskizuna Zeanurin.
Mainondoko frontoian alkartuko gara 16.45tan autobusa hartzeko eta bidaiari bakotxak 2€ ordainduko dauz.

Familiarentzako zinea domekan "Olentzero eta oparien ordua" filmearekin

Domekan, abenduak 20, arratsaldeko 5etan Kultur-Etxean.

Iraupena: 68 min.

Sinopsia: Gogor aritu beharko dute Anjek, Marik eta beraien lagunek herrira bakea itzultzea nahi badute. Herriko nagusiak elkarrekin erretxinduta dabiltza, mesfidati. Hau guztiaren errua hegazkinarekin inguruko mendietan istripua izan duen atzerritar batek dauka. Dirua eta ospea agindu die hegazkina topatuko duenari.

Baina gauzak erabat aldrebestuko dira Olentzeroren ordulari magikoa desagertzen denean. Ordulari magikorik gabe ezingo du denbora gelditu, eta ondorioz, ezingo ditu gabon gauean opariak banatu.

Kalifikazioa: Guztientzat

Otxandioko umeak Ala kinkirrinera.....

Familiarentzako zinea domekan "Babe Txerritxo Ausarta" filmearekin

Domekan, abenduak 6, arratsaldeko 5etan Kultur-Etxean.

Iraupena: 80 min.

Sinopsia: Ukuilu honetan munduan diren pertsonaiarik liluragarrienak batu dira: Hogget baserritarra, Fly, ardi-txakurra; Rex, horren laguna; Pernando, ahate hiztuna; Ma, ardi zaharra, eta, jakina, etxaldeko berria, Babe, inoiz izan den txerritxorik bereziena. Istorio xarmagarri honek familia osoa liluratuko du bere maitasun eta umore zipriztinekin.

Kalifikazioa: Guztientzat

Txirri, Mirri eta Txiribiton Junior

Txirri, Mirri eta Txiribiton Junior, “Bihurrikeriak” Ikuskizuna Zeanurin abenduaren 23an

Guraso Elkarteak autobusa antolatuko dau bertara joateko.
Mainondoko frontoian alkartuko gara 16.45tan.
Egunean bertan, bidaiari bakotxak 2€ ordainduko dauz.

Geugaz etorri gura badozu, bete eskolan emon dan agiria eta Guraso Elkartearen buzoian sartu azaroaren 27ko 16.15ak baino lehen.

Familiarentzako zinea domekan "Izotz Aroa 2: Urtze Aldia" filmearekin

Domekan, azaroak 22, arratsaldeko 5etan Kultur-Etxean.

Iraupena: 90 min.

Sinopsia: Mundu osoan arrakasta handia izan eta gero, hemen dira berriro ere Izotz Aroko heroiak abentura hozkirri batean!

Oraingoan bero-bero dago kontua, giroko tenperatura bezala. Mannyk, Sidek, Diegok eta Scratek euren ibarretik alde egin dute ihesi. Paisaia gezaltzen ari den honetan, asko dibertituko dira euren bidaian Ellierekin - Mannyren bihotza urtuko duen mamut bat - eta Crashekin eta Eddierekin - zarigueia bihurri bi -.

Animazio txundigarria, pertsonaia gogoangarriak, eta soinu banda alaia.

Izotz Aroa 2: Urtze Aldia. Ziurtatuta dago familia osoarentzako animazioa.

Kalifikazioa: Guztientzat

Urduri dantza taldea Mekoletako San Bernabe jaietan

Toponimia eta Txitxiburduntzi

Maiatzaren 23an, toponimia lantzeko urten genduan herri inguruetara. Aste batzuk lehenago ikasleek irakasleen laguntzaz, leku-izenen kartelak egin ebezan han eta hemen ipinteko. Bisitatu genduzan lekuak San Martin, Polborina, Korostartegana, Azpikoarri, Lupeztegi, Presagutxieta eta amaitzeko Presazelaien txitxiburduntzia egin genduan.

Goiz eder-ederra emon genduan alkarregaz inguruak hobeto ezagutuz.

Patxi Uribarren, euskaltzain oso

Otxandioko euskerea aspaldion egin izan diran ikerketen arabera Arabako euskerearen ereduagaz lotzen hasi dira.

Egunotan Patxi Uribarren aramaioarrak Euskaltzaindian sarrera hitzaldia egin dau, eta bere jardunean Arabako euskerea, Otxandiokoa, eta Arabako hainbat idazle eta euskalzale aitatu izan dauz, besteak beste, Oletako batzuk.

Gura dauanak hemen dauko eskura Patxi Uribarrenen hitzaldi osoa:

http://www.erabili.com/zer_berri/muinetik/1241765281