Toponimia eta Txitxiburduntzi eguna

Atzo toponimia lantzeko irteera izan genduan, zelako egun ederra!! Hemen argazki batzuk.

Eskola Eguna

Ekainaren 13an Eskola Eguna ospatuko dogu!

Goizean 11etan eskolan, gelak bisitatu eta 11,30etan gimnasioan umeen jaialdia ikusteko aukera izango dogu. Bertan, XXI. Ipuin eta XX. Margo Lehiaketako sarien banaketa egingo da.

Jaialdi ostean, 11,30etan gurasoak LH-ko ikasleen kontra Kolpbol partidu bat egingo dogu pelotalekuan, parte hartu gura badozu jarri elkartekoakaz kontaktuan.

14,30 plazan bazkalduko dogu. Bertara mahaiak eta aulkiak eroateko, zatoz ekainak 12an goizeko 9,30etan laguntzera. Bazkarirako txartelak hartzeko bihar, ekainak 3, ANDRESA LANDAN, arratsaldeko 6etatik 6,30etara. Guraso Elkartekoak: Nagusiak 10€ eta umeak 5€ (Elkartekoak ez diranak, nagusiak 15€ eta umeak 10€).

17etan plazan pelota partiduak eta 18,30etan DJ Thobben eta Lore Power.

Amaitzeko txokolatada!!!

Toponimia

Ekainaren 5ean, urtero legez, eskolan landutako toki izenak zeri lotuta dagozan ikusten joango gara etxeko guztiok. 10etan batuko gara plazan.
Txitxiburduntzia egingo dogu!!!

Ipuinak kontatzeko

Danok dakigu oso egokia dala umeei eta gaztetxoei kontuak kontatzea baina, dirudienez, gero eta gatxagoa egiten jaku denporea hartu eta bat-batean gure seme-alaben aurrean holako jardunetan hastea.
Ez da behar bada oso egokia izango halako beharrak makinen ardurapean ixtea baina, besterik ezean, badaukagu sarean (eta euskeraz be) ipuin-kontalari egokia. Hona hemen esteka:

Etxegiroan.com

Sartu eta gozatu...!

Zumaia

Ekainaren 19an Zumaiara joango gara, eta Zumaia eta Deba arteko itsaslabarren Flysch-a ezagutzeko, itsasontzian 45 minutuko txango bat egingo dogu. Irteera goizeko 9etan Mañondoko frontoitik izango da, eta itzulera Zumaiatik 7etan.

Etorri gura ezkero zatoz maiatzaren 11an, arratsaldeko 5,30etatik 6,30etara Andresa Landara izena emon eta ordaintzera (elkartekoak 15€).

Ume guztiak nagusi baten ardurapean joan behar dira eta bakotxak bere janaria eroan behar dau.

Eskolako inauteriak

Eskolan inauterietako argazkiekin lan polit bat egin dabe! Hemen daukozuez danontzako.

Eskerrik asko!

Familiarentzako zinea domekan "Robotak" filmearekin

Domekan, martxoak 14, arratsaldeko 5etan Kultur-Etxean.

Iraupena: 84 min.

Sinopsia: Izotz Aroaren sortzaileen eskutik, hona hemen Robotak, dibertsioz betetako abentura bat ordenagailuz animatua. Filme hau Rodney Latorriren istorioa da Rodneyk asmatzaile izan nahi luke. Helburu horrekin, Robot Hirirantz abiatu da, bere idoloa dena - Soldatzaile Handia ezagutzeko. Bidean Rodney era guztietako roboten lagun egingo da, eta haien laguntzarekin aurre egingo dio Ratchet maltzurrari. Ratchetek, bere amak bultzatuta, enpresa lapurtu dio Soldatzaile Handiari, eta gainerako robotei ez dizkie ematen behar dituzten ordezko piezak. Horren aurrean... gai izango da Rodney egoera konpontzeko?

Kalifikazioa: Guztientzat